Tekin klukkan 3 í gær: 
http://blog.politiken.dk/videnskab/2010/04/20/her-er-den-%c3%a6gte-islandske-askesky/
Fréttir í Guardian um umhverfisáhrif Gossins: http://www.guardian.co.uk/environment/2010/apr/19/eyjafjallajokull-volcano-climate-carbon-emissions Koldíoxíð er minna af flugleysi en af gosinu sjá
Sérfræðingar svara spurningum lesenda: http://www.guardian.co.uk/environment/blog/2010/apr/20/iceland-volcano-your-questions-answered Ýmislegt fróðlegt
Gosið vekur deilur um koldíoxíðútslepp þar sem þeir sem efast um mannaáhrif hafa talað um eldgos sem langtum meiri koldíoxíðáhrifavalda. http://www.guardian.co.uk/environment/blog/2010/apr/21/iceland-volcano-climate-sceptics
Já þær eru margar spurningarnar og kannsi færri svör. 
Poeter ordnar askmolnsfestival i Stockholm
Já Öskuljóðahátíð í Stokkhólmi. HVers vegna? Jú, sænsk ljóðaskáld áttu að fara til Istambul í Tyrklandi og Shanghai í Kína. Auðvitað komast þeir ekki. Sökudólgurinn Eyjafjallajökull, þetta erfitt framborna fyrirbrigði. Svo skáldin ætla að hittast í Stokkhólmi. Og skypa ljóð sín til Kina og Tyrklands og heyra skáldin þarna eystra. Allt okkur að kenna. Von er jafnvel á íslensku ljóðaskáldi. Já, Aska er merkilegt fyrirbrigði.
1816 var eldgos og dimma, hvar? Og Byron orti ljóð hér: http://www.strickling.net/byron_darkness.htm
þótt hann hafi fengið kúlulán, þótt hann hafi stjórnað banka, þótt hann hafi hjálpað fyrrum ríkisstjórn að halda uppi lygavef, þótt hann hafi prísað fjármálakerfi okkar sem Háskólakennari.
Já, þetta ber allt vott um sakleysi, svona fortíð eiga allir alþingismenn að hafa. Þá mun Sigurður G. lögfræðingur dásama hann, ætli hann verði ekki formaðru Sjálfstæðisflokksins?
Já, það hefur mikið breyst á Íslandi, eða hvað??
Aska skemmdi orrustuþotu NATO
segir blaðið sem aldrei lýgur. Þetta er annað dæmið um skemmdir á orustuþotum, hitt var í Finnlandi.
Á meðan fjarviðrast auðjöfrar flugfélaga og heimta að allt verði opnað aftur. Engar skemmdir eigi sér stað. Nú eru ferðaaðilar áhyggjufullir út af gosi, um daginn voru þeir svo glaðir að geta selt ferðir. Já, það er of eða van með náttúruna. Hún lætur ekki stjórna sér. En við getum stjórnað manntjóni með skynsömum vinnubrögðum.
Eigum við að fórna fólki svo krónan skili sér í kassann?
Það er ótrúlegt. Ég hélt að þetta væri einhver vitleysa. Að Davíð hefði ætlast til þess að hann yrði stjóri í Neyrðarstjórn. Svo er þetta bara algjör sannleikur.
„Þú getur ekki gert mér þetta. Ég get ekki farið þarna upp og sagt þetta við Davíð,” sagði Geir H. Haarde við Össur Skarphéðinsson eftir að sá síðarnefndi hafði þvertekið fyrir að Davíð Oddsson færi fyrir sérstakri neyðarstjórn vegna þeirra aðgerða sem grípa þyrfti til í október 2008 líkt og Geir lagði til.
Við skýrslutöku segist Össur hafa beðið strax um fundarhlé þar sem hann hafi ekki getað fallist á tillöguna. Geir hafi verið mjög stressaður.
Það er gott að hafa svona góðan sendiboða eins og Geir, Go-between, eins og Bretarnir segja, svona einn forsætisráðherra. Það eru margar skemmtilegar frásagnir Össurar af Hruninu, ef maður getur skemmt sér yfir því. Ég hlakka til þegar hann skrifar ævisöguna. Vonandi sem mest á nóttunni.
Frásögn hans af Sigurjóni digra og snúðinum er strax orðin klassík í íslensku stjórnmála og efnahagslífi. Og endasetning hans um þann atburð dásamleg. Þá kom svona hönd með gullúri og kippti honum út. Yndislegt málsgrein takið eftir, svona, sem breytir miklu. Einhver sagði að skýrslan fengi bæði bókmenntaverðlaunin, í fræðibókmenntum og fagurbókmenntum. Það eru mörg ritsnilldin í yfirheyrslunum, mörg gullkornin. Ég sagði gullkornin.
Hvaða siðareglu braut Þorgerður Katrín?
Líklega engar sem Sigurður G. Pétursson þekkir. Enda hefur hann alls staðar verið innsti koppur í búri hjá víkingunum, svo þægilegur í viðmóti. Því engin furða að hann sé líka aðalráðgjafi forsetans.
Ef þetta er svona einfalt og ekkert verið gert siðlaust. Þá birtir Kristján A. og Þorgerður K. bókhald yfir seinustu ár. Gaman að sjá hvort einhvers staðar sé ekki afgangur svona til hörðu áranna.
Eignarhlutafélögin eru eflaust góð til síns brúks. Ekki Kristján bara eignarhlutafélagið. Eins og formaður fjármálaeftirlitsins sagði.
Skakkaföllin og áföllin mörg í viku Skýrslunnar. Varaformanninum fórnað. Verja á Engeyjarættina, höfuðvígi íhaldsins á Íslandi.
Kratadóttirin hlýtur að víkja. Eflaust verður fleirum fórnað. Ritstjórinn flýði land. Skildi eftir fyrirskipanir um stefnu blaðsins.
Allt fyrir formanninn, ættina og flokkinn.
Sjáið þessa einstöku mynd sem flugvél Landhelgisgæslunnar tók af gosgígunum, kötlunum í gær.
Á þessum tímum sem við lifum, þessum tímum sem okkur hefði ekki órað fyrir að við mundum upplifa, þótt að við þekktum vel sögu landsins okkar og jarðarinnar. Þá er það þannig að allt verður táknrænt. Þetta andlit minnir okkur á allt það sem við höfum gengið í gegnum seinustu mánuði og ár.
Andlit reiðinnar, sorgarinnar, sárindanna og vantrúarinnar. Þegar allt sem við höfum trúað á um mannskepnuna er einskis virði. Við höfum haft í kringum okkur galhoppandi brjálæðinga sem ryksuguðu fjármunum út úr bönkum okkar, sem töldu sig hafna yfir öll lögmál. Seinast í morgun var ég að lesa um bankann minn, þar sem Bakka(varar)bræður hirtu seinustu mánuðina ógrynni fjár, án þess að þurfa að hugsa um veð eða endurgreiðslur. Ekki veit ég um vaxtastigið sem þeir þurftu að borga af þessu enda skiptir það engu máli. Þeir borga ekkert.
Svona hegðaði sér stór hópur manna, flestir karlar, með fulltingi og sofandahætti stjórnmála- og stofnanakerfisins. Svo koma þeir og biðja um afsökun og fyrirgefningu. Það er ekkert á mínu færi að veita fyrirgefningu, þeir eru heldur ekki margir sem gengu fyrir rannsóknarrétt sem töldu sig bera ábyrgð, var það nokkur í stjórnkerfinu. Ég veit ekki hvað þeir segja sem ganga fyrir sérstakan saksóknara. Það eina sem þessir aðilar eiga að gera er að láta sig hverfa úr peningaheiminum og fara að gera eitthvað allt annað. Ég var til dæmis hrifinn af konu einni í blöðunum í fyrra sem sneri sér að einkaþjálfun í staðinn fyrir ávöxtun fjármuna. Það er stór hluti af þjóðinni sem fær nokkurs konar klígju að sjá þetta fólk eða heyra í því. Það breytist ekki næstu árin.
Svo þetta andlit eldgossins verður um leið andlit okkar, kannski er náttúran að refsa okkur fyrir allt kæruleysið sem mörg okkar hafa sýnt í umgengni sinni við landið, náttúruna, jörðina og okkur sjálf. Við stundum afneitun, það er einhverjum öðrum að kenna hvernig komið er fyrir jörðinni, einhverjir aðrir eiga að breyta sér, ekki við sjálf, og sama gildir um þetta litla þjóðfélag okkar þar sem allt er komið í hnút af okkar eigin völdum.
Þess vegna er þetta andlit eldgossins líka andlit okkar.
Kíkti inn að hlusta á brot úr skýrslunni, skrýtið, við heyrðum örbrot úr kafla um Innistæðusjóðinn fræga. Þessi litli hlut speglaði samt heildina á áþreifanlegan hátt, ótal aðvaranir og athugasemdir sem höfðu komið, samt var ekkert gert. Jóhanna Sigurðardóttir spyr 2001 um sjóðinn og fleiri á eftir fram til 2005. En ekkert er gert svo koma stóru útlendu sjóðirnir, samt var ekkert gert. Alltaf sama aðgerðarleysið og kæruleysið. Er á meða en.
Í kvöld ætla ég að sjá Faust, mér sýnist hann fjalla líka um það sama, að selja sál sína djöflinum, það fer aldrei vel.
Heyrði góða sögu í dag, kunningi sem fór til Finnlands á norrænan fund, han kom degi of seint, og norrænir vinir hans spurðu auðvitað: Var það út af gosinu. Og hann Svaraði: Nei, það var verkfall flugvirkja. Svíarnir, Danirnir, Norðmennirnir og Finnarnir horfðu á hann furðulostnir: Verkfall, er eitthvað að ykkur Íslendingum? Hverjum öðrum dettur í hug að fara í verkfall við skilyrðin hjá ykkur í dag. Já, hverjum, spyr Ég?
Svo er ég að hlusta á frétt að Björgvin S. hafi tekið ákvörðun um að víkja af þingi. Þetta er rétt hjá honum. Annað var ekki hægt. Samt er ansi ömurlegt að sjá hann þurfa að fá stærsta skellinn meðan fyrrverandi formaður hans flaggi utanríkisráðherra stimplinum í svari sínu í skýrslunni til að losna við alla ábyrgð.
